បទសរភញ្ញ

បទសរភញ្ញ

                         ១- សូមថ្វាយបង្គំ ព្រះសម្ពុទ្ធ                       ប្រសើរបំផុត ក្នុងលោកា

                              ជាគ្រូនៃមនុស្ស និងទេព្ដា                       ទ្រង់ត្រាស់ទេស្នា ប្រដៅសត្វ

                             ចង្អុលឱ្យដើរ ផ្លូវកណ្ដាល                       មាគ៌ាត្រកាល អាចកម្ចាត់

                            ទុក្ខភ័យចង្រៃ ឱ្យខ្ចាយបាត់                    អាចកាត់សង្សារៈទុក្ខបាន។

                       ២- សាស្នាព្រះអង្គនៅសព្វថ្ងៃ                      សត្វមាននិស្ស័យ ពីបូរាណ

                             ប្រឹងរៀនប្រឹងស្ដាប់ ចេះចាំបាន              កាន់តាមលំអាន បានក្ដីសុខ

                             ឥតមានសុខណា ស្មើក្ដីស្ងប់                   បញ្ចប់ត្រឹមសុខ ឃ្លាតចាកទុក្ខ

                            តាំងពីលោកនេះ តទៅមុខ                      ក្ដីសុខនិងមាន ព្រោះធម៌ស្ងប់។

                      ៣- ខ្ញុំសូមបង្គំ ឆ្ពោះព្រះធម៌                           ព្រះសង្ឃបវរ ទាំងគ្រប់សព្វ

                            រួមជាត្រៃរ័ត្ន គួរគោរព                              ជាម្លប់ត្រជាក់ នៃលោកា

                           ព្រះរូបព្រះធាតុ នៃព្រះពុទ្ធ                       វិសុទ្ធតាងអង្គ ព្រះសាស្ដា

                           សូមគុណត្រៃរ័ត្ន ជួយខេមរា                    ឱ្យបានសុខា តរៀងទៅ។